Global forum MMH

planetGOLD хөтөлбөрийн "Глобал Чуулган" болов

News

Countries:

planetGOLD хөтөлбөрийн "Глобал Чуулган" 2024 оны 6-р сарын 3-5-ны өдрүүдэд Филиппин Улсад болж, уг чуулганд planetGOLD Монгол төслийн төлөөлөл Монголын бичил уурхайн нэгдсэн дээвэр холбооны төлөөллийн хамтаар оролцов.

Чуулганд уг хөтөлбөрийн үндсэн санхүүжүүлэгч байгууллага болох Даян дэлхийн байгаль орчны сан, хэрэгжүүлэгч байгууллагууд болох НҮБ-ын Байгаль орчны хөтөлбөр, НҮБ-ын Аж үйлдвэрийн хөгжлийн байгууллага, Консервэшн Интэрнэшнл байгууллага болоод Мөнгөн усны тухай Минамата конвенцын ажлын алба, мөн хөтөлбөр хэрэгжиж буй нийт 23 орны төрийн байгууллага, төслийн баг, бичил уурхайчдын төлөөлөл бүхий 200 гаруй оролцогчид оролцов.

Mongolia delegates
Зүүн гар талаас: planetGOLD Монгол төслийн менежер Б.Алтанбагана, төслийн Хөрөнгө оруулалтын мэргэжилтэн М.Дөлгөөн, Монголын бичил уурхайн нэгдсэн дээвэр холбооны Тэргүүн Н.Нарантөгс, төслийн Мэдээлэл, харилцааны ажилтан А.Энхтуул, төслийн Байгаль орчны мэргэжилтэн С.Чимэдрэгзэн

Чуулганы үеэр алтны "Бичил уурхайн салбарын санхүүжилт", "Хөрөнгө оруулагчдын хамтын ажиллагаа", "Технологийн шийдэл" сэдэвт үндсэн хэлэлцүүлгүүдэд төслийн багаас илтгэл хэлэлцүүлж, төслийн туршлага, үр дүнг бусад орнуудтай хуваалцлаа.

Roger tissot
Төслийн гүйцэтгэгч Алтны бичил уурхайн зөвлөлийн Гүйцэтгэх захирал Рожер Тиссот Хөрөнгө оруулагчдын хуралдааныг удирдан явуулав.

Түүнчлэн төслийн голлох үр дүнгүүд болон мөнгөн усны хор хөнөөлийг таниулах, олон нийтэд хариуцлагатай бичил уурхайг сурталчлах зорилтот видео контентуудыг чуулганд оролцогчдод үзүүлэв.

Мөн төслийн хүрээнд Сэлэнгэ аймгийн Мандал сум, Түнхэл тосгонд байгуулсан алтны хүдэр баяжуулах бага оврын үйлдвэрт виртуалаар зочлох боломж олгосонд чуулганд оролцогчид талархалтай байлаа.

tour mandal mfps
Сэлэнгэ аймгийн Мандал суман дахь алтны хүдэр баяжуулах бага оврын үйлдвэрт виртуалаар зочлов.

Add new comment

CAPTCHA